साधन कम हूंण क बाद बि प्रदेस सरकार सबि तोक मा विकासा कोसिस करणि च

मुख्यमंत्री धामीन आज रुद्रपुर मा राज्य स्तरीय उद्योग मित्र समिति क बैठक मा भाग ल्यायी अर बोलि कि आज क बैठक मा जु बि सुझाव अयां छन वु सुझावु फर विचार कर्यें जाळु।

मुख्यमंत्री न बोलि कि हमरु प्रयास च कि बड़ी-बड़ी बैठक प्रदेस क अलग-अलग जगौं मा हूंण चैंद, इल्लै उद्योग मित्र क या बैठक रुद्रपुर मा उर्याणा कु फैसळा लियें ग्यें। उन्न बोलि कि इनि बैठक 6 मैना मा एक बार जरुरी हूंण चैंद, इन कोसिस कर्यें जाली। मुख्यमंत्री न बोलि कि उत्तराखण्ड अबि ज्वान प्रदेस च।

मुख्यमंत्री न बोलि कि साधन कम हूंण क बाद बि आज प्रदेस सरकार सबि तोक मा विकासा कोसिस करणि च। उन्न बोलि कि प्रदेस मा सीएसआर खूंणि एक सेल बण्यें ग्यें। मुख्यमंत्री न बोलि कि प्रदेस मा औद्योगिक विकास खूंणि बौत अच्छु वातावरण च। प्रदेस मा औद्योगिक तोक तैं अगनै बढ़ौंणा खूंणि सबि कोसिस कियें जाणि च। उन्न बोलि कि औद्योगि भवनु क ऊंचै बढ़यें जाळी अर सिडकुल मा सड़क बण्यें जाली।

बैठक मा केन्द्रीय रक्षा अर पर्यटन राज्य मंत्री अजय भट्ट, विधायक शिव अरोरा, मेयर रामपाल सिंह, मुख्य सचिव डॉ. एस. एस. सन्धु, अपर मुख्य सचिव आनन्द बर्द्धन अर व्यापारी छायी।