देसा क सुरक्षा मा अपड़ि जान देंण वळा शहीदु तैं देस सदनि याद राखळु: धामी
देरादूण। मुख्यमंत्री धामी आज जौलीग्रांट एयरपोर्ट मा जम्मू कश्मीर क राजौरी मा ऑपरेशन त्रिनेत्र मा शहीद हूंया चमोली जिला क रैवासी लैंस नायक रुचिन सिंह रावत अर सिरमौर हिमाचल प्रदेसा रैवासी शहीद प्रमोद नेगी तैं पुष्पचक्र अर्पित कैकि श्रद्धांजलि द्यायी।
मुख्यमंत्री धामी न बोलि कि देसा क सुरक्षा मा अपड़ि जान देंण वळा शहीदु तैं यु देस सदनि याद राखळु। मुख्यमंत्री न बोलि सरकार सदनि सैनिकु क कुटम्दरि क् दगड़ मा खड़ी च। उन्न बोलि सरकार शहीद रुचिन सिंह रावत क कुटुम्दरि क हर तरौं से मदत कारळी।
ऐ मौका फर कैबिनेट मंत्री गणेश जोशी, विधायक बृजभूषण गैरोला, पुलिस अधीक्षक देरादूण दिलीप कुंवर छायीं।