देवभूमि उत्तराखण्ड मा पैदा हूंण बौत बड़ु सौभाग्य च : मुख्यमंत्री धामीन

मुख्यमंत्री धामीन आज डोल आश्रम मा श्री कल्याणिका हिमालय देवस्थानम कु वार्षिकोत्सव कार्यक्रम मा भाग ल्यायी। मुख्यमंत्री न 1100 नौनियु कु पूजन अर नरनारायण मूर्ति कु अनावरण कायी।

मुख्यमंत्री न श्रीयंत्र मा पूजा कैकि देस अर प्रदेसा राजि खुसी अर जस क कमाना कायी।
मुख्मयंत्री न बोलि कि परम पूज्य महाराज कल्याणदास जी एक साधक अर पांच दसकु बटि लगातार साधना कायी। उन्न सर्या भारत देस मा तंगी मा पैदा हूंण वळा बच्चों तैं अगनै बढ़ि अर ऊथैं शिक्षा अर स्वास्थ्य सुविधा देंणा कु काम तैं अगनै बढ़ौंणा कु काम करिन। उन्न ऐ आश्रम मा श्रीयंत्र तैं स्थापित कायी। मुख्यमंत्री न बोलि कि आणु वळु बगत मा सरया देसा क मनखि ऐ आश्रम मा शान्ति आध्यात्म अर संस्कृति तैं समझणा खूंणि आळा। मुख्यमंत्री सबि तैं बुद्ध पूर्णिमा क बधै दे अर महात्मा बुद्ध क धर्म, शान्ति अर अंहिसा क बाटौं पर चलण खूंणि बोलि। मुख्यमंत्री न बोलि कि बाबा जी क या सोच च कि प्रदेसा बटि पलायन रूक्यां अर ळोग अपड़ा घौर मा रै कैकि काम कर्या।

मुख्यमंत्री न बोलि कि यु आश्रम जख एक तरफा धार्मिक पर्यटन तैं बढ़ौंणा देंणु च वखि ज्वान नौना तैं भारतीय संस्कृति क बारा मा शिक्षा देंणा कु काम बि करणु च। देवभूमि उत्तराखण्उ मा पैदा हूंण बौत बड़ु सौभाग्य च। यु आश्रम हमरि पूरणि सभ्यता, संस्कृति क मिशाल च। यु साधना अर आध्यात्म कु दिव्य केन्द्र च। मुख्यमंत्री न बोलि कि संस्कृति तैं बचौंणा खूंणि हमरि सरकार सदिन त्यार, इल्लै हमरि सरकार धमार्न्तरण काननू बण्यें अब हमरि सरकारन यु फैसळा कायी कि जमीन मा कब्जा तैं खतम कर्यें जाळु अर समान नागरिक संहिता कानून बण्यें जाळु। मुख्यमंत्री न बोलि कि आश्रम मा संस्कृत विद्यालय चलणु च, ये तैं महाविद्यालय बनाणा क कोसिस कर्यें जाली।

मुख्यमंत्रीन बोलि कि आश्रम मा पूज्य महाराज कल्याणदास जी न बण्यें छायीं। उंकी सोच जन्नि धर्म, अध्यात्म संस्कृति अर शिक्षा क बडु केन्द्र बण्यें कि अगनै बढ़यें जाळु। उन्न महाराज कु अभिनन्दन कायी अर बोलि कि उन्न अपणि सर्या जिन्दगि यखक मनखियौं क सेवा मा लग्यंे दे। उन्न बोलि कि मानखण्ड मन्दिर माला मिशन च वै मिशन मा आश्रम तैं सामिल कर्यें जाळु अर जन्नि चारधाम जातरा चलद उन्न मानखण्ड जातरा अर कैलाश मानसरोवर जातरा भि चलयें लचलि अर वैकु एक पड़ाव डोल आश्रम अर जागेश्वर धाम ह्वाळु। उन्न बोल कि मानखण्ड मंदिर माला मिशन कु मास्टर प्लान त्यार ह्वैग्यें, वैंकी सुरुवात जागेश्वर धाम बटि कर्यें जाली।