नोडल अधिकारी केदारनाथ जातरा पैदल केदारनाथ क जातारा कायी

रुद्रप्रयाग। सचिव, ग्राम्य विकास, सहकारिता, पशुपालन अर नोडल अधिकारी केदारनाथ जातरा बीवीआरसी पुरुषोत्तम न गौरीकुण्ड बटि केदारनाथ क् जातरा पैदल बाटु बटि कायी। उन्न केदारनाथ दर्शन मा अयां जातरियौं खूंणि कर्यां बन्दबस्त अर सुविधौं क बारा जा जाणकारी ल्यायी। नोडल अधिकारी बीवीआरसी पुरुषोत्तम न सोनप्रयाग मा जातरियौं खूंणि हूंण वळु पंजीकरण क बि जाणकारी ल्यायी अर जातारा मा चलण वळा ध्वाड़ा अर खच्चरु क बारा मा बि जाणकारी ल्यायी अर पशुपालन विभागा तैं जरुरी निर्देश दीं।

सचिव डॉ. पुरुषोत्तम न जातरा क बाटौं मा पुलिस प्रशासन, एसडीआरएफ, डीडीआरएफ, एनडीआरएफ अर वाईएमएफ क ज्वानु क दगड़ बात कायी अर जातरा क बन्दुबस्त क बारा मा जाणकारी ल्यायी। उन्न सबि अधिकारियौं व कर्मचारियौं क हिकमत बढ़ै अर बोलि कि कनु बि बगत अर क्वीं बि दिकदरि हूंया, अपणि जिम्मेबरि तैं नी भुल्यां अर सदिन सेवा भाव से काम कर्यां। उन्न बोलि कि जातरा मा आण वळा जातरियौं क दगड़ मा अपडु ब्यौवार मायाळु रख्यां अर सबि अधिकारी अर कर्मचारी मिलिकि काम कर्यां।

ऐ मौका फर उप जिलाधिकारी ऊखीमठ जितेंद्र वर्मा, पशु चिकित्सा अधिकारी डॉ. रवि कुमार, जीमैक्स इंचार्ज खुशाल सिंह, जल संस्थान, स्वास्थ्य, विद्युत, सुलभ विभागा अधिकारी बि छायीं।