केदारधाम मा रोज हूंणि च बिजली क दिकदरि

रुद्रप्रयाग: केदारनाथ धाम रोज हूंणि बरखा हर ह्यूं क कारण बौत दिकदरि हूंणि, बरखा हूंण क कारण सबसे जादा दिकदिर धामा मा बिजली के हूंण च। धाम मा ब्यखुनी दा बिजली चलि जणि च। जै कारण से धाम मा अर धाम मा आण वळा जातरा हि ना बल घ्वाड़ा अर खच्चरु तैं बि बौत दिक्कत हूंणि च।

केदारधाम मा ऐसु क साळ चारधाम जातारा मा मौसम ऐखारि ऐखारि खोच्या लगौंणु च। जै कारण जारियौं तै बौत दिककत हूंणि च अर केदारनाथ मा जारियों खंूंणि रैणा कु खाणा कु बन्दबस्त बि सै नी ह्वै सकणु च।
त वखि केदारनाथ क बेरोजगार रैवासी टैंट अर खाणा कु होटल लगौंणा खूंणि जगा ढूंढणा छन अर ऊतैं कखि जगा नी मिलणि च। जै कारण उन्न मा नराजगी च।

ळोगु क् ब्वन च बल केदारनाथ मा बेरोजगार जगा ढूढ़णा छन पर ऊथैं कखि जगा नी मिलणि च। उ कु ब्वन च कि गढ़वाल मण्डल विकास निगम तैं टैंट लगौंणा खूंणि जादा जगा दियें ग्यायी। जै कारण से केदारनाथ क रैवासी नराज छन।

केदारनाथ मा 15 दिन बटि खळाखळ ह्यूं प्वड़णु च धाम मा दौफर मा ह्यूं प्वाड़णा क कारण जातरियौं तैं बौत दिकदरि हूंणि च।