समाज बणौंण मा शिक्षा अर गुरु कु बौत महत्व च। : मुख्यमंत्री धामी

देरादून। मुख्यमंत्री पुष्कर सिंह धामीन आज लिटिल स्कॉलर्स स्कूल मा उर्यूं कार्यक्रम मा दीप जगै कि कार्यक्रमा सुरुवात कायी।

मुख्यमंत्री न बोलि कि साल 1983 मा स्व. मेजर शिवनाथ भल्ला न स्कुळा जै डाळा कु बीज जमैं छायीं, आज वु डाळु बणिग्यें। उन्न बोलि एक साधारण कुटुम्बर पैदा हूंया मेजर शिवनाथ भल्ला न पैळि फौज मा रैकि देसा सेवा कायी अर अब नौन्याळु तैं शिक्षा देकैकि ऊंकु भवैष्य बणौंणा खूंणि लिटिल स्कॉलर्स स्कुल खोळि। उन्न बोलि कठिण मेनत अर खैरि की शिवनाथ भल्ला क जिन्दगि अर मेनत हम सब्यौं खूंणि प्रेरणादायी च।

मुख्यमंत्री न बोलि कि एक आदिम क रुप मा हमर विकास अर हमर समाज बणौंण मा शिक्षा अर गुरु कु बौत महत्व च। उन्न बोलि कि हमरि संस्कृति मा शिक्षा कु मतबल केवल किताबी ज्ञान तक नी च, या एक इन्न जातरा च जैमा हम अपड़ि अर अपड़ा अस्तित्व क खोज कर दो, यांक दगड़ हमरि संस्कृति मा गुरु अपड़ा काम तैं काम नी समझदा, उ खूंणि पढ़ौंणु मानवीय संवेदना च, एक पवित्र कर्तव्य च। इल्लै हि हमर यख गुरु अर नौन्याळु क बीच मा एक रिसता हूंण अर यू रिसता, सर्या जिन्दगि भरा कु हून्द।

मुख्यमंत्री न बोलि आदिम छ्वटम जन्नि शिक्षा अर संस्कार प्राप्त करदु , वा से केवल वैकी कुटम्दरि हि ना बल वैकु समाज अर देस कु चरितर बि बणदु। उन्न बोलि कि हम अपडु भोल कन चाण छन, यां खूंणि हमथैं आज बटि काम करण प्वाड़ळु। हमरु भवैष्य कन्नु होळु, यु हमरू आज तय करदु। उन्न बोलि कि लिटिल स्कॉलर्स विद्यायल मा आज भौळ क भविष्य क जमीन त्यार हूंणि च जु भोळ उत्तराखण्ड अर नै भारत तैं अगनै बढ़ौंण कु काम कराळु।

कार्यक्रम मा विधायक त्रिलोक सिंह चीमा, दीवान सिंह बिष्ट, मेयर ऊषा चौधरी, अध्यक्ष अनुसूचित जाति आयोग मुकेश कुमार छायीं।