केदार धाम मा यूकाडा क वित्त नियंत्रक अमित सैनी हेलीकॉप्टर क पिछनै क पंखा मा औंण से ह्वैग्यीं टुणपट

रुद्रप्रयाग। आज इत्वार खूंणि केदानाथ धाम मा एमआई-26 हेलीपैड सेवा कु बन्दबस्त तैं दय्खण खूंणि पौंच्यां यूकाडा अर सूचना विभाग क् वित्त नियंत्रक अमित सैनी हेलीकॉप्टर क पिछनै क पंखा मा औंण से टुणपट ह्वैग्यीं।

इत्वार खूंणि यूकाडा अर सूचना विभागा क् वित्त नियंत्रक अमित सैनी हेलीकॉप्टर सेवा कु बन्दबस्त तैं दय्खण खूंणि केदारनाथ धाम मा पौंच्यां छायी। दिनमा 12 बजिक 45 मिनट फर यु वापिस औंणा खूंणि हेलीकॉप्टर क जनै ग्यें तबि वु हेलीकॉप्टर क पिछनै क पंखा क ब्लेड मा ऐग्यीं अर वखिमै टुणपट ह्वैग्यीं। बतै जाणु च कि वु हेलीकॉप्टर मा बैठ्णां खूंणि जाणा छायीं त वु गलत दिसा मा चलिग्यीं, पिछलै बटि ळोगुन ऊथैं धै लग्यें पर उन्न नी सूंणि।