मुख्यमंत्री धामी न सिक्स सिग्मा मेडिकल ट्वाला (दल) तैं जातरा मा सेवा देंणा खूंणि फट्यायी

देरादूण। मुख्यमंत्री धामीन आज इत्वार खूंणि मुख्यमंत्री कैम्प कार्यालय मा सिक्स सिग्मा मेडिकल टोलि तैं बदरीनाथ, रुद्रनाथ अर हेमकुण्ड साहिब जातरा मा निःशुल्क स्वास्थ्य सेवा खूणि फट्यायीं।

मुख्यमंत्री धामीन बोलि कि केदारनाथ अर बदरीनाथ धाम मा स्वास्थ्य सेवा देणा खूंणि सिक्स सिग्मा हाई एल्टीट्यूट मेडिकल सर्विस क टोलि तैं बधै दे। प्रदेस सरकार क तरफ बटि धाम मा दियें जाण वळा सेवा मा चिकित्सा टोलि तैं सबि सुविधा दियें जाली। जै से जातरा करण वळा जातरियौं तैं क्वीं असुविधा नी हूंया। मुख्यमंत्री न सिग्मा सिक्स हाई एल्टीट्यूट मेडिकल सर्विस टोलि क ऊंचा ऊंचा पाडु मा काम करणा क बढ़ै बि कायी।

सिक्स सिग्मा हाई एल्टीट्यूट मेडिकल सर्विस क मेडिकला क निदेशक डॉ. प्रदीप भारद्वाज न बोलि कि इबरि मेडिकल ट्वाला जातरा मा छ्वटा छ्वटा इक्यूपमेंट कु इस्तमाल करालि, जैसे जातरियों तैं अच्छी स्वास्थ्य सेवा मिललि। डॉ. परवेज अहमद न बतै कि यीं जातरा मा मेडिकल सेवा देंणा मा सिक्स सिग्मा हेल्थकेयर क तरफ बटि 45 से जादा मेडिकल कर्मचारी तैं लग्यें जाळु।

जैमा क्रिटिकल केयर, कार्डियो, मेडिसिन, महिला रोग, रेसप्रेटरी, माउंटेन मेडिसिन क विशेषज्ञ बि अपड़ि सेवा द्याळा।

ऐ मौका फर कैबिनेट मंत्री सतपाल महाराज, गणेश जोशी, चंदन राम दास, प्रमोद नैनवाल अर सिक्स सिग्मा मेडिकल ट्वाळा क सदस्य छायी।