गढ़वळि फिळम ‘पधनी जी’ कु प्रोमो ह्वै लॉन्च

देरादूण। महानिदेशक सूचना बंशीधर तिवारी न आज सूचना महानिदेशालय मा गढ़वळि फिळम ‘पधनी जी’ कु प्रोमो लॉन्च कायी।

ऐ मौका फर सूचना महानिदेशक न बोलि कि फिळमा क शूटिंग खूंणि प्रदेस सरकारन द्वी नै नीति बण्यीं छन। जैमा सेवा सेक्टर नीति क जरिया फिलम उद्योग मा लगण वळा समान तैं सामिल कर्यूं च। अर दूसर नीति मा फिळम सिटी अर उद्योग मा आधारित काम सामिल छन।

उन्न बोलि कि नै फिळम नीति मा मुख्यमंत्री पुष्कर सिंह धामी न खास ध्यान दियूं च घर्या भाषा मा फिळम थैं अगनै बढ़ौंणा कु काम कर्यें ज्यां। यां खूंणि गढ़वळि, कुमौनि, फिळम थैं मिलण वळा पैसौं तैं बढ़ाणा कु प्रस्ताव बि धर्यूं च।

ऐ मौका फर अपर निदेशक सूचना आशीष कुमार त्रिपाठी अर संयुक्त निदेशक/नोडल अधिकारी, उत्तराखण्ड फिळम विकास परिषद डॉ. नितिन उपाध्याय, माहेश्वरी फिल्म्स क् प्रोपराइटर ‘पधानी जी’ फिलम का निर्देशक अशोक चौहान (आशु) बि छायी।