रावल भीमाशंकर लिंग पंचकेदार गद्दीस्थल ओंकारेश्वर ऊखीमठ मा पौंचिग्यीं, 25 अप्रैल खूंणि खुलणा छन भगवान केदारनाथ क् पाट

रुद्रप्रयाग। केदारनाथ धामा रावल भीमाशंकर लिंग पंचकेदार गद्दीस्थल ओंकारेश्वर मंदिर ऊखीमठ मा पौंचिग्यीं। बतै दियां की 25 अप्रैल खूंणि भगवान केदारनाथा पाट खुलणा छन। यां से पैलि रावल 20 अप्रैल खूंणि ओंकारेश्वर मंदिर मा भगवान भैरवनाथ क् पूजा मा साामिल ह्वाळा।

रावल भीमाशंकर लिंग अपड़ु च्याला (शिष्य) केदार लिंग क दगड़ ओंकारेश्वर मंदिर मा पौंचिग्यीं। जख शिव शंकर लिंग, बागेश लिंग अर टी. गंगाधर लिंग अर मंदिर क वेदपाठियौं न ऊंकु स्वागत कायी।

21 अप्रैल खूंणि रावल भीमाशंकर लिंग भगवान केदारनाथा पंचमुखी डोलि तैं चल उत्सव विग्रह ड्वाला मा बैट्ठाळा। जैका बाद केदारनाथ धामा क् मुख्य पुजारी बागेश लिंग थैं छै मैना खूंणि पूजा करणा सौं देंणा क दगड़ मा पगड़ी अर अचकन पैराळा। यांका बाद रावल भगवान केदारनाथ थैं जांस कु मुकुट (स्वर्ण) पैरैकि, देवदर्शनी ड्वाळा तैं केदारनाथ धाम खूंणि विदा कारला। भगवान कु ड्वाळा 24 अप्रैल खूंणि केदारनाथ धाम मा पौंछळु। अर 25 अप्रैल खूंणि सुबेर 5 बजिक 30 मिनट पर रावल भीमाशंकर लिंग बाबा केदार क् पंचमुखी ड्वाळा व छड़ी क दगड़ मंदिर क् पाट खोलिकि भितर जाला। जैका बाद 6 बजिक 10 मिनट पर बाबा क् पाट 6 मैना खूंणि भक्तुक दर्शन खूंणि ख्वलें जाला।