सैन्य धाम मा उत्तराखण्ड क् अंद्वार दिख्येंण चैंद : मुख्यमंत्री धामी

देरादूण। देरादूण। मुख्यमंत्री धामीन सचिवालय मा सैन्य धाम (शौर्य स्थल) बणौंण क् उच्च स्तरीय बैठक मा सैन्य धाम क् काम मा तेजी ल्याणा क निर्देश दी अर बालि कि सैन्य धाम कु स्वरुप दिव्य अर भव्य हूंण चैंद। मुख्यमंत्री न बोलि कि या खूंणि औरि राज्यु क सैन्य धामु से जुड्यां कामु क झलक बि ऐ धाम मा कर्यें ज्यां। उन्न यु बि बोलि कि सैन्य धाम मा उत्तराखण्ड क् अंद्वार बि दिख्येंण चैंद। अर सैन्य धाम क् इनैं-फुन्न केदारखण्ड अर मानसखण्डा क झलक कु खास ध्यान दियें ज्यां।

बैठक मा सैनिक कल्याण मंत्री गणेश जोशी, मुख्य सचिव डॉ. एस.एस. संधू, जी.ओ.सी उत्तराखण्ड सब-एरिया मेजर जनरल संजीव खत्री, मेजर जनरल सम्मी सभरवाल (से.नि) सचिव सैनिक कल्याण दीपेन्द्र चौधरी, एस. एन. पाण्डेय, जिलाधिकारी देहरादून श्रीमती सोनिका छायी।