भोळ ह्वैळी कैबिनेट क् बैठक

देरादूण। मुख्यमंत्री धामी न अध्यक्षता मा परबात कैबिनेटा बैठक ह्वैळी। मंत्रिमण्डल क बैठक ब्यखुनी दा 4 बजि सचिवालय मा होळि। यीं कैबिनेट बैठक मा एक दर्जन से जादा प्रस्ताब पर मंत्रिमण्डल कु ठप्पा लगि सकदन। बैठक मा 22 अप्रैल बटि सुरू हूंणि चारधाम जतरा क त्यारि क बारा मा छ्वीं बि ह्वै सकदन यांका दगड़ मा जोशीमठ आपदा प्रभावितौं तैं जमीना कु मुआवजा तैं लेकैकि फैसळा बि ह्वै सकदन।

यांक अलाव रासन कार्ड वळों तैं 50 प्रतिशत कम दाम मा चीन्नी अर ळूण दिये जाणा क बारा मा विचार ह्वै सकदु। ऐसु क साळ अक्टूबर नम्बर मा हूंण वळि इनवेस्टर्स समिट पर छ्वीं, स्थापना विकास बोर्ड कु प्रस्तौव, नीति आयोग तरौं, निगरानी अर मूल्यांकन नीति के प्रस्तौ पर छ्वीं क दगड़ औरि विभागु क नियमावळी पर मंत्रिमण्डला क टप्पा लगि सकदु।