मुख्यमंत्री न ‘हिल की बात : युवा संवाद’ कार्यक्रम मा कायी संवाद

देरादूण। मुख्यमंत्री धामीन आज मुख्यमंत्री आवास मा ‘हिल की बातः युवा संवाद’ कार्यक्रम मा स्कुळया नौन्याळु क दगड़ मा छ्वीं बत्था लग्यें।

ऐ मौका फर स्कुल्यां नौन्याळु न उत्तराखण्ड क लोक परंपरा अर संस्कृति क प्रस्तुति अर भाषण कविता कु पाठ कायी। मुख्यमंत्री धामी न बोलि कि प्रधानमंत्री मोदी क बत्यां बाटौं फर उत्तराखण्ड विकासा तरफा तेजी से बढ़णु च। उन्न बोलि मोदी की देवभूमि क दगड़ मा कर्म अर मर्म की रिसता च।
मुख्यमंत्री न बोलि क आज देस ‘ एक भारत श्रेष्ठ भारत’ क दिसा मा अगनै बढ़दै जाणु च।

मुख्यमंत्रीन बोलि कि 2025 तक उत्तराखण्ड थैं नसा मुक्ति बढ़ौंणा कु सौं लियीं च। मुख्यमंत्री न बोलि कि भर्ति इमत्यानु मा पारदर्शिता बणि रयां या खूंणि हमन कटकुटु नकल विरोधी कानून बण्यें याली। उन्न बोलि कि ज्वान नौना जै बि क्षेत्र मा काम कर्या, वै क्षेत्र पूरी मेनत अर लगन से काम कर्या। मुख्यमंत्री न बोलि कि उच्च शिक्षा तैं बढ़ौंवा देंणा खूंणि प्रदेस सरकार खळाखळ काम करणि च। हमर कोसिस च कि ज्वान नौकरि क कोसिन ना बल नौकरि देंण वला बणयां।
ऐ मौका फर यूकॉस्ट क महानिदेशक दुर्गेश पंत, ओहो रेडियो क आर.जे काव्य अर ज्वान नौन्याळ छायीं।