शरैल खूंणि रामबाण छन औंगरयाँ चणा

लदब्ड़ फूल्णयां दिक्कत, कब्ज जन्नि दिकादरि च त औंगरयाँ चणा फैदा मंद ह्वै सकदन।
चणों माफाइबर बौत हूंद अर लदब्ड़ा दिककत खूंणि रामबाण ब्लयें जान्द। औंगरयाँ चणों से क्या-क्या फैद हूंद –

थकौट क दिकदारि –
थ्वड़ा कम करण बाद खैरि आण बैट्ठि जान्द त तो तुम खूंणि औंगरयाँ चणा बौत फैदमन्द छन। चणा थैं औंगरयाँ मूंग क दगड़ मा रळैकि खाण से थकौट झट दूर ह्वै जान्द। औंगरयाँ चणा रोज खाण से शरैल मा थकौट नी आन्दि अर शरैल मा सदनि तागत रैन्द।

डायबिटीज
डायबिटीज क दिकदरि आज बौत जादा ह्वैग्यें। औंगरयाँ चणों थैं सुबेर खाली पुटग खयें ज्यां त या से शरैल मा जादा ग्लूकोज बणण से रुके जै सकदु। अर ब्लड शुगर लेबल कंट्रोल मा रैन्दु अर शुगर जन्नि बिमारि से बचे जै सकदु।

लटुलों खूंणि फैदमन्द –
औंगरयाँ चणा शरैल खूंणि फैदमन्द त हूंद हि छन हमर लटुलौं खूंणि बि बौत फैदमन्द हून्दिन। चणों मा एंटीऑक्सीडेंट हून्द जु हमरि बढ़दा उमरि कु असर थैं शरैल मा नी ऑण देन्दु अर लटुलों थैं अर हमर शरैल थैं स्वस्थ रैन्दु।

पीलिया –
अगर कथैं पीलिया च या पीलिया क लक्षण दिय्येणा छन । वै खूंणि औंगरयाँ चणा बौत अच्छा छन। सुबेर खाली पुटगा औंगरयाँ चणा खाण से कै हम कतगै बिमारियों तैं दूर भगे सकदन।

पिसाब क दिकदरि-
पिसाबा मा क्वीं बि दिकदर ह्वै त वा मा औंगरयाँ चणा खाण चैंदन। डॉक्टर भि औंगरयाँ चणा खाणा खूंणि ब्वलदन।

पाचन –
चणों मा फाइबर बौत जादा हूंद या से पेट कु दिकदरि जन्न गैस, कब्ज डायरिया मा फैद हून्द। चाणा पाचन क्रिया खूंणि बौत फैदा मंद हून्दन।

प्रोटीन
प्रोटीन शरैल खूंणि बौत जरूरी हून्द अर चणों मा बौत सर्या पोषक तत्व हूंदन। प्रोटीन क कमी से शरैल मा कमजोरी हून्द, इल्लै हमथैं एक कप औंगरयाँ चणा रोज खाण चैन्दन या से शरैल मा प्रोटीना कमी नी ह्वैळी।

दंतुड़ि खूंणि –
रोज चणा खाणा से शरैला हडका कटकुटा त हूंद हि छन दगड़ दगड़ि हमरि दंतुड़ि थैं बि कटकुटु बणौंदन।