हमरि सरकार पंचैत थैं कटकुट करणि च : सतपाल महाराज

हरिद्वार। प्रदेसा पंचायती राज, लोक निर्माण, पर्यटन, सिंचाई, लघु सिंचाई, ग्रामीण निर्माण, संस्कृति एवं जलागम प्रबन्धन मंत्री सतपाल महाराज न प्रेमनगर आश्रम हरिद्वार मा पंचायती राज विभागा कु उर्यूं कार्यक्रम मा त्रि-स्तरीय पंचैत चुनौं-2022 हरद्वार मा अच्छु काम करण वळा अधिकारियों, कार्मिकों अर चुनाव मा जित्याँ जिला पंचायत अध्यक्ष, उपाध्यक्ष, सदस्य अर प्रमुख, ज्येष्ठ प्रमुख, कनिष्ठ प्रमुख क्षेत्र पंचायत थैं सम्मानित कायी।

कार्यक्रम मा महाराजन बोलि कि म्यारु सदनि बटि यु विचार रै कि जु भि, जै बि तोक मा अच्छु काम करणु च वैकु हौसळा बढ़ौंणा खूंणि वैथैं सदिन ईनाम दियें जाण चैंद। उन्न बोलि कि भारत मा लोकतंत्रा क जलड़ा बौत मजबुत छन। महाराजन बोलि कि हमरि सदनि कोसिस च कि पंचैत थैं कटकुट बण्यें ज्यां। जैमा सबि कु मदत जरुरी च अर प्रदेस क कुणा मा रैण वळ मनखि, वैंकि भलै खूंणि बि हम सदिन त्यार छा।
महारानज पंचैत मा ठोस अपशिष्ट प्रबन्धन नीति क बारा मा बोलि कि पंचैत मा ठोस अपशिष्ट प्रबन्ध नीति क खूंणि केन्द्र पोषित योजना राष्ट्रीय ग्राम स्वराज अभियान क जरिया हरद्वार मा कॉमन वेस्ट प्लास्टिक रिसाइकिलिंग फेसिलिटी कु संयंत्र अर मसीन लगौंण खूंणि 2.95 करोड़ रुप्या मिल्यां छन। जैमा जिला पंचैत हरद्वार मा प्लाट सुरू कै याली।

सतपाल महाराज न ग्राम उत्सव क बारा मा बोलि कि हमरि सरकार न ग्राम उत्सव मनौंणा कु काम करणि च अर वैथैं पर्यटन से ज्वड़णा छा, जै से
गौ क रैवासियौं क कमै बढ़यें जै सक्यां।

कार्यक्रम मा रानीपुर विधायक आदेश चौहान, भाजपा जिला अध्यक्ष संदीप गोयल, पूर्व भाजपा जिला अध्यक्ष डॉ. जयपाल सिंह चौहान, जिला पंचायत उपाध्यक्ष अमित चौहान न बि अपड़ि बात बोलि।