प्रदेसा रैवासियों थैं मैंगै कु झटका, बढ़िग्येंन बिजली क दाम

देरादूण। खळाखळ बणदै जाणि मैंगै मा अब प्रदेसा विद्युत नियामक आयोग न बिजली कु दाम बण्यें कि प्रदेसा रैवासियों थैं एक ओरि झटका दे याली। आयोगा न आज साल 2023 -24 खूंणि नै टैरिफ जारी कै याली। जैमा बिजली क दामु मा 9.64 फीसदी बढ़यें ग्येन। बिजली क नै कीमत 1 अप्रैल बटि लागू ह्वै जाली।

बतै दियां कि नै वित्तीय वर्ष खूंणि यूपीसीएल न 16.96 फीसदी बिजली क दाम बण्यें जाणा कु प्रस्ताव नियामक आयोग थैं भ्यज्यंू छायीं।

यूपीसीएल क प्रस्ताव पर जन सुण्यें क बाद आयोग न 12 फीसदी बिजली दर थैं 9.64 फीसदी बढ़ैं दे। प्रदेसा मा 4 लाख बिजली क घर्या उपभोक्ता छन जौ फर 10 पैसा प्रति यूनिट कु खरचा बढ़ि जाळु। अब सरचार्ज क रुप मा 100 यूनिट तक घर्या बिजली खरच करण फर 5 पैंसा प्रति यूनिट, 100 से 200 यूनिट खरच करण फर 20 पैंसा प्रति यूनिट, 200 से 400 यूनिट तक खरच करण फर 30 पैंसा, 400 यूनिट से जादा खरच करण फर 35 पैंसा प्रति यूनिट जादा देंण प्वाड़ळा।

आयोग न फिक्स चार्ज मा क्वीं बदळौ नीं कायी। वखि 10 दिन क भितर बिजली कु बिल कु डिजिटल भुगतान करण फर 1.50 प्रतिशत अर औरि तरीकौं न बिल जमा करण फर 1 प्रतिशत छूट दियें जाणा कु फैसळा कायी।