मन की बात, प्रधानमंत्री न अंगदान कैकि दुसरा ळोगुक जिन्दगी थैं सारु देंण बात बोलि

देरादूण। मुख्यमंत्री पुष्कर सिंह धामी न आज मुख्यमंत्री कैम्प कार्यालय मा प्रधानमंत्री मोदी क मन की बात कार्यक्रम कु 99 संस्करण सूंणि। कार्यक्रम मा प्रधानमंत्री न अंगदान कैकि दुसर मनखि क जिन्दगी थैं सारू देण अर सौर ऊर्जा थैं बढ़ौंवा देंणा बात बोलि। मुख्यमंत्री धामीन बोलि कि अंग दान करणा क मामला मा हमथैं अगनै बढ़ण प्वाड़ळु। जै से कतगै मनखियौं के जिन्दगि थैं बच्यें जै सकदु।

मुख्यमंत्री धामीन बोलि कि प्रदेसा मा ऊर्जा क तोक मा खळाखळ काम हूंणि च। मुख्यमंत्री न प्रदेसा रैवासियों थैं यीं दिसा मा औरि जादा कोसिस करणा बात बोलि। उन्न बोलि बल प्रधानमंत्री की मन की बात सूंणिकि सदिन प्रेरणा मिलदि। 30 अप्रैल खूंणि मन की बात कु 100 संस्करण पूरा ह्वै जाला। उन्न बोलि मोदी जी कु नेतृत्व मा देस, एक भारत अर श्रेष्ठ भारत कु संकल्प क दगड़ मा अगनै बढ़णु च।