अक्षय तृतीया क दिन 22 अप्रैल खूंणि खुलला गंगोत्री धामा पाट
उत्तरकाशी। मां गंगोत्री क पाट अक्षय तृतीया 22 अप्रैल अक्षय तृतीया खूंणि दिनमा 12 बजिक 35 मिनट मा खुलला। आज चैत्र नवरात्र क मंगल दिनमा मां गंगा क ह्यूंद कु निवास मुखवा मा श्री 5 मंदिर समिति गंगोत्री न पूजा पाठ अर पंचांगा गणना क बाद पाट ख्वलण कु तारिक तय कायी।
मंदिर समिति क सचिव सुरेश सेमवाल न बोलि कि 21 अप्रैल खूंणि मां गंगा क उतसव डोळि सेना के बैंडा दगड़ मुखवामठ बटि प्रस्थान कैकि भैरवनाथ जी क मंदिर भैंरो घाटी पौंचलि। 22 अप्रैल खूंणि मां गंगा क डोळि भैंरो घाटी बटि गंगोत्री धाम मा पौंचळि।
ऐ मौका फर मंदिर समिति अध्यक्ष हरीश सेमवाल, कोषाध्यक्ष महेश सेमवाल, उमेश सेमवाल, मंद्राचल सेमवाल, गिरीश सेमवाल, वसुदेव सेमवाल छायीं