प्रदेस मा खेल प्रतिभौं क क्वीं कमी नीं च: मुख्यमंत्री धामी

देरादूण। मुख्यमंत्री पुष्कर सिंह धामी न आज सचिवालय मा राज्य मा हूंण वळु खेल विश्वविद्यालय क बारा मा बैठक कायी अर निर्देश दीं कि खेल विश्वविद्यालय खूंणि सुविधौं क विकास दगड़ा दगड़ि खेल अर जरूरी शैक्षणिक गतिविधियों खूंणि ऐ क्षेत्र मा विशेषज्ञों क सुझौं लियें ज्यां।

मुख्यमंत्री न बोलि कि विशेषज्ञौं क सुझौं क आधार पर खेल विश्वविद्यालय क स्थापना क बारा मा जरूरी कारवै कर्यें ज्यां। हल्द्वानी मा खेल मैदान कु उपयोग औरि बेत्तर तरीका से हूंण चैंद या खूंणि हल्द्वानी मा खेल विश्वविद्यालय क बणौंणा खूंणि विश्वविद्यालय क संभावना खज्वजें जाणि चैंदन। उन्न बोलि कि प्रदेस मा खेल प्रतिभौं क क्वीं कमी नीं च। प्रदेसा ज्वान नौना थैं औरि अच्छी खेल सुविधा दियें जाणा क कोसिस कर्यें जाणि च। 2024 मा उत्तराखण्ड मा राष्ट्रीय खेळु कु आयोजन हूंणि च। नै खेल नीति मा खिलाडियौं थैं सबि तैरों क सुविधा देंणा क कोसिस कर्यें जाणि च।

बैठक मा खेल मंत्री श्रीमती रेखा आर्य, मुख्य सचिव डॉ. एस.एस. संधु, अपर मुख्य सचिव श्रीमती राधा रतूड़ी, विशेष प्रमुख सचिव अभिनव कुमार, सचिव आर. मीनाक्षी सुंदरम, शैलेश बगोली, महानिदेशक यूकॉस्ट प्रो. दुर्गेश पंत, खेल निदेशक जितेन्द्र सोनकर छायीं।