मुख्यमंत्री न कायी टिरी क्षेत्राक विधानसभौं मा हूंण वळा कामु क समीक्षा बोलि ळोगु क दिकदारि क झट से समाधान खूंणि
देरादूण। मुख्यमंत्री धामीन आज मुख्यमंत्री आवास मा लोकसभा टिरी तोक मा विधानसभौं मा हूंण वळा कामु क समीक्षा बैठक कायी अर बोलि कि दिकदारि क समाधान खूंणि विभागा क कर्या कामु क बगत-बगत मा समीक्षा हूंण चैंद।
मुख्यमंत्री धामी न बोलि कि ळोगु क दिकदारि क झट से समाधान खूंणि हमथैं खास ध्यान दियें जाण चैंद अर विभागिय सचिव तैं विधानसभा तोक मा दिकदारि थैं दूर करणा खूंणि अपड़ा विभागौं क समीक्षा करण चैंद।
मुख्यमंत्री न बोलि कि उत्तराखण्ड मा बागवानी, खेती पाति, पर्यटन क क्षेेत्र मा बौत संभावना छन। यु तोकु मा ळोगु क आजीविका थैं बढ़ौंणा खूंणि तेजी से काम कर्यें ज्यां। उन्न बोलि कि कै बि तोक मा स्वरोजगार कु काम पैळि क्षेत्रा रैवासियों तैं दियें जाण चैंद या से पलायन रूकळु।
मुख्यमंत्री न अधिकारियों तैं निर्देश दी कि रुड़ियों मा पाणि कि कखि बि क्वीं कमी नीं हूंण चैंद यांकु बन्दोबस्त अबि बटि कर्यें ज्यां। उन्न बोलि कि विधायकु कि जु बि दिकदारि छन उंकु समाधान कर्यें ज्यां।
बैठक मा कैबिनेट मंत्री गणेश जोशी, सांसद टिहरी श्रीमती माला राज्यलक्ष्मी शाह अर विधायक अर संबंधित विभागीय अधिकारियौं न वर्चुअल माध्यम से जनपदु का जिलाधिकारी अर जिला स्तरीय अधिकारी छायीं।