मुख्यमंत्री न बरखा मा सूंणि ळोगु क दिकदारि अर कायी समाधान

देरादूण। खटीमा दौरा पर पौंच्यां प्रदेसा मुख्यमंत्री धामी तेज बरखा मा भि सुबेर घुमणा खूंणि निकळिन। सुबेर घुमदा उन्न ळोगुक दिकदरि सूंणि अर समाधान कायी।

बतै दियां कि मुख्यमंत्री धामी जब भि जिलौं मा जन्दिन त सुबर घुमणा खूंणि जरूर जन्दिन अर सुबेर घुमद्दा ळोगु से मिळिकि सरकार क काम-काज क बारा जा जाणकारि लिन्दन।
आज मुख्यमंत्री धामीन खटीमा दौरा मा सुबेर तेज बरखा क बाद बि घुमघाम मा निकळिन। मुख्यमंत्री घुमद्दा सुबेर ळोगु से भेंट कैकि उकीं दिकदारि थैं सूंणि। मुख्यमंत्री न बरखा मा छतरा क निस खड़ु रैकी मौका फर ही ळोगु क दिकदारि कु समाधान बि कायी।

मुख्यमंत्री न बोलि कि दिनभर कामधाम मा बगत नी मिलदु। उन्न बोलि कि सुबेर क बगत मा मि तसल्लि से ळोगुक दिकदारि थैं सूंणि सकदो। उन्न बोलि कि सदनि मेरी कोसिस रैन्द कि जिलों क दौरा मा सुबेर घुमद्दा ळोगु से मिळिक उकीं दिकदारि थैं सूंणि की उंकू समाधान कर्यें ज्या।