ऐंसु चारधाम जातरा पिछळ साळा सबि रिकार्ड तोड़ देलि : महाराज

देरादूण। चारधाम जातरा खूंणि खळाखळ हूंणि जातरियों बुकिंग अर गढ़वाल मण्डल गेस्ट हाउसौं मा बढ़णि बुकिंग आंकड़ा, यीं बातिक प्रमाण छन कि एंेसु क साल चारधाम जातरा पिछळ साळु क सबि रिकार्ड तैं तोड़ि देलि। जातरियों तैं क्वीं दिक्कत नीं हूयां यां खूंणि सबि विभाागु तैं बगत मा सबि बन्दबस्त पूरू करणा आदेश दे दीं। या बात प्रदेसा पर्यटन मंत्री सतपाल महाराजन बोलि।

महाराजन बोलि केदारनाथ खूंणि 184057 बदरीनाथ खूंणि 151955 यमुनोत्री खूंणि 43132 अर गंगोत्री धाम मा दर्शन खूंणि 43717 जातरियों कु पंजीकरण ह्वैग्यें।

महाराजन बतै कि जीएमवीएन क गेस्ट हाउसों मा 16 फरवरी 2023 बटि अबि तक 50749105 रुप्यों क बुकिंग ह्वैग्यें।

पर्यटन मंत्री न बोलि कि चारधम जातारा खूंणि ऑनलैन पंजीकरण हूंण च। उन्न बोलि कि पिछळ साल क तरौं ऐसु क साल बि जादा जातरि आणा क उमेद च, जै थैं देखिक धाम मा दर्शन खूंणि जातरियों थैं टोकन दियें जाळा।