भराड़ीसैंण मा ह्वै श्री अन्न (मिलेट) भोज कु आयोजन
गैरसैंण। गैरसैंण विधानसभा सत्रा मा आज कृषि विभागा तरफ बटि श्री अन्न (मिलेट) भोज कु आयोजन उर्यूं छायीं।
कृषि विभागा उर्यूं भोज मा क्वादा की रवट्टि, अरसा, झुगरें खीर, गैता कु फांडू, ळाळ चौंळ, आळु क गुटका बणयां छायीं।
मुख्यमंत्री धामी, विधानसभा अध्यक्षा ऋतु खण्डूड़ी अर वित्त मंत्री प्रेमचन्द्र अग्रवाल कृषि मंत्री, गणेश जोशी सब्यौं न पाड़ि खाण कु रसाण (स्वाद) ले।
श्री अन्न भोज मा विधायक, अधिकारी, कर्मचारियों, मीडिया क दगड़या भि सामिल छायीं।