राज्य आन्दोलकारियों थैं 10 प्रतिशत क्षैतिज आरक्षण पर कैबिनेट कु लगिग्यें टप्पा

गैरसैंण। मुख्यमंत्री पुष्कर सिंह धामी क अध्यक्षता मा आज गैरसैंण मा उर्यीं राज्य कैबिनेट क बैठक मा राज्य आन्दोलकारियों थैं 10 प्रतिशत क्षैतिज आरक्षण पर कैबिनेट कु टप्पा लगिग्यें।
आज गैरसैंण मा ह्वीं मंत्रिमण्डल क बैठक मा राज्य आन्दोलनकारियों क नौकरि मा 10 प्रतिशत क्षैतिज आरक्षण कु प्रस्ताव ऐ। जै पर कैबिनैट क टप्पा लगि कि अपड़ि मंजूरि दे द्यायी।

बतै दियां कि राज्य आन्दोलनकारियांें थैं नौकरि मा 10 प्रतिशत क्षैतिज आरक्षण कु फैदा साल 2011 बटि नी मिलणु छायीं। अर 2011 बटि प्रदेस मा जतगा भि भर्ति ह्वीं कै भि भर्ति मा राज्य आन्दोलनकारियों थैं क्षैतिज आरक्षण कु क्वीं फैदा नी मिलि।

यांका अलावा कैबिनेट मा सौर ऊर्जा नीति थैं मंजूरि अर विधायक निधि थैं बढ़कि 5 करोड़ रुप्या कर्यें ग्यें।