पलायन करण खूंणि हमथैं “चळो गौ क तरफि” पर जोर देंण प्वाड़ळु: भगत सिंह कोश्यारी
महाराष्ट्र पैल्यक राज्यपाल भगत सिंह कोश्यारी उत्तराखण्ड आणा क बाद पैळि बार खटीमा पौंचिन। खटीमा लोक निर्माण विभाग मा भाजपा कार्यकर्ताओंन ऊंकु स्वागत कायी। ऐ मौका फर भगत सिंह कोश्यारी न बोलि उत्तराखण्ड क बड़ी समस्या पलायन च अर जब ळोग दुबरा वापिस अपड़ा गौ नी आला त गौं कन कि दुबरा आबाद ह्वाळा। उन्न बोलि मि अपड़ा घौर नी जौळु अर भाषण हि दिंणु रौळ तक तगता ळोग गौ मा जाला?
भगत सिंह कोश्यारी न बोलि कि ळोगु कु त क्वीं पद मिलण का बाद स्वागत हूंद पर मिथैं त राज्यपाल क पद बटि इस्तीफा देंणा का बाद जु प्यार उत्तराखण्ड मा मिळणु च वै से मि अभिभूत छौं।
कोश्यारी न बोलि क अब मि उत्तराखण्ड खूंणि काम करण चाणु छौं। उन बोलि कि सिरफ राजनीति हि न औरि बौत सर्या काम छन जौ से प्रदेस थैं अगनै बढ़यें जै सकदु।
भगत सिंह कोश्यारी न बोलि मुख्यमंत्री धामी उत्तराखण्ड खूंणि बौत अच्छु काम करणा छन। उन्न बोलि कि अब मि उत्तराखण्ड मा ऐग्यौं, अब रिवर्स पलायन करण त हमथैं ‘चळो गौ क तरफि’ अभियान पर जोर देंण प्वाड़ळु। उन्न बोलि कि उत्तराखण्ड मा फळ, फुळ क खेती कै कि पलायन थैं रोकें जै सकदु।
भगत सिंह कोश्यारी मुख्यमंत्री धामी क घौर मा पौंच्यां वख उन्न मुख्यमंत्री क ब्वे थैं शाळ दे कि सम्मानित कायी।