राजभवन मा सुरु ह्वै तीन दिनकु वसंतोत्सव

देरादूण। देरादूण राजभवन मा आज तिन दिनकु वसंतोत्सव सुरु ह्वैग्यें । तीन दिन कु वंसतोत्सव थैं राज्यपाल लेफ्टिनेंट जनरल गुरमीत सिंह न सुरु कायी।

राजभवन मा तीन दिन तक चलण वळु ऐ फुळुक कौथिग मा 700 से जादा फ्लोरीकल्चर से जड़्यां जिमदार फुळु कि प्रदर्शनी मा भाग ल्याळा। फुळु कु कौथिग प्रदेस रैवासियों खूंणि ख्वलें ग्यें। फुळु कु लकदक कौथिग मा क्वीं बि मनखि ऐ एकदु।

ऐ कौथिग मा 16 प्रतियोगितौं मा 62 श्रेणियौं तैं पैळि, दुसरू अर तिसरू इनाम दियें जाळु। ऐ बार वसंतोत्सव मा पैळि बार 4 नै रूफटॉप, गार्डनिंग, बोन्साई अर टेरारियम थैं सामिल कर्यें ग्यें। राज्यपाल गुरमीत सिंह अर मुख्यमंत्री धामी बि कौथिग मा साामिल ह्वीं।

ऐ मौका फर राज्यपाल न बोलि कि आज उत्तराखण्ड प्रदेस फुळुक प्रदेस बढ़णा क दिसा मा अगनै बढ़णु च। प्रदेसा कुणा-कुणा बटि फुळुक खेती करण वळा जिमदार म्याळा मा अयां छन। राज्यपाल न बोलि ळोगु क संख्या बतौंणि च ळोग कौथिग क मतंग मा छन। ऐ मौका फर मुख्यमंत्री न बोलि कि वसंत ऋतु मा मां सरस्वती की पूजा कर्यें जान्द। उन्न बोलि कि वसंत सब्यौं खूंणि खुसी अर उमंग कु त्योवार च।

ऐ मौका फर उद्यान निदेशक एचएस बवेजा न बोलि कि फ्लोरीकल्चर थैं लेकैकि प्रदेसा जिमेदार बौत खुस अर मतंग मा छन। उन्न बोलि कि प्रदेसा मा फ्लोरीकल्चन कु भवैष्य बौत अच्छु च। उन बोलि कि देरादूण देस क राजधानी तक फुळु भ्यजणु च।

ऐ मौका फर उघान निदेशक डा. एचएस बावेजा, संयुक्त निदेशक डॉ. रतन कुमार, उद्यान अधिकारी दीपक पुरोहित छायीं।