मुख्यमंत्रीन दीं अधिकारियों तैं निर्देश, विधायकों क बत्यीं दिकदारि कु समाधान झट कर्यां
देरादूण। मुख्यमंत्री धामीन आज विधानभा तोक थराली, कर्णप्रयाग, केदारनाथ, रुद्रप्रयाग, देवप्रयाग, यमकेश्वर, श्रीनगर चौबट्टाखाल, नरेन्द्रनगर , पौड़ी, लैंसडाउन अर रामनगर मा चलणा कामु क समीक्षा कायी अर दिसा निर्देश दीं।
मुख्यमंत्री न बोलि कि प्रदेस कु विकास खूंणि पाड़ मा विकास पर खास ध्यान दियें जाण चैंद।
मुख्यमंत्री न अधिकारियों तैं निर्देश दी कि क्षेत्रा विधायक कुन अपड़ि जै बि तोका समस्या थैं बैठक मा बतै अधिकारी वीं दिकदारि कु झट से समाधान कर्यां। उन्न बोलि कि विभागीय अधिकारी मिळजुळि कि दिकदारि कु समाधान निकल्यां। बड़ी अर छ्वटि योजनौं कु रोस्टर बण्यें ज्या अर जैस समस्या कु समाधान झट से ह्वै सक्यां।
मुख्यमंत्री न निर्देश दीं कि उंकी घोषणों थैं पूरु करणा मा क्वीं देर नी हूंण चैं अर अधिकारि क जिम्मेबरि तय हूंण चैंद। सबि कम बगत मा पूरा हूंण चैंदन।
ऐ मौका फर कैबिनेट मंत्री सतपाल महाराज, सुबोध उनियाल, डॉ. धन सिंह रावत, विधायक दीवान सिंह बिष्ट, अनिल नौटियाल, भूपाल राम टम्टा, श्रीमती शैलारानी रावत, भरत सिंह चौधरी, श्रीमती रेनू बिष्ट, राजकुमार पोरी अर विभागीय अधिकारी छायीं।