म्वाटु नाज, डीएम न कायी ‘श्री अन्न थाळी’ सुरु

देरादूण। साल 2023 थैं अन्तर्राष्ट्रीय मिलेट वर्षा रुप मा मन्यें जाणु च। आज दून लाईब्रेरी अर शोध केन्द्र परेड ग्राउण्उ मा जिला योजना क जरिया प्रदेसा म्वाटु नाज थैं अगनै बढ़ौंणा क मकसद से किसान गोष्ठी अर मिलेट भोज उर्यें ग्यें।

एक मौका फर जिलाधिकारी सोनिका न भाग ल्यें अर पौष्टिक खाणु क भ्वरि थकुळि ‘ श्री अन्य थाली’ तैं सुरु कायी।

जिलाधिकारी न बोलि कि संयुक्त राष्ट्र संघ क जरिया साल 2023 थैं मिलेट साळ घोषित कर्यूं च। उन्न बोलि कि हम अपडु खाणु अर उत्पादु तैं कबि क्वीं महत्व नी दिन्दन जबकि हमरू प्रदेसा खाणु म्वोटु नाज मा गुणवत्ता अर पौष्टिक बौत जादा हूंद। उन्न बोलि यांकु प्रचार कर्यें जाण चैंद। जै से प्रदेसा रैवासी म्वाटु नाज जादा पैदा कराळा अर जिमदारु क कमै बि बढ़ि जाळी। जिलाधिकारी न ळोगु से म्वाटु नाज जादा से जादा खाण क विनीति कायी।

जिलाधिकारी न बोलि कि आजकळै पीढ़ि कु खाणु-पीणु गलत ह्वैग्यें। जै कारण कै प्रकार बिमारि कु खतरा ह्वै जान्द। उन्न म्वाटु नाज झंगौरा, क्वादु, गैत, काळा भट्ट, खाण क विनीति कायी।

ऐ मौका फर मुख्य विकास अधिकारी झरना कमठान, अपर जिलाधिकारी प्रशासन डॉ एस के बरनवाल, अपर जिलाधिकारी वित्त अर राजस्व के. के. मिश्रा, निदेशक ग्राम्य विकास अभिकरण आर.सी तिवारी, खण्ड विकास अधिकारी रायपुर चक्रधर सेमवाल, जिला पर्यटन विकास अधिकारी जसपाल चौहान, मुख्य कृषि अधिकारी लतिका सिंह अर स्वयं सहायता समूह क ब्यटुळा अर जिमदार छायीं।