अब कैबि पदा क्वीं लालसा नी च : भगत सिंह कोश्यारी
देरादूण। आज देरादूण उत्तरांचल प्रेस क्लब मा उर्यूं ‘प्रेस से मिलिए’ कार्यक्रम मा महाराष्ट्र क पैल्यक राज्यपाल भगत सिंह कोश्यारी न राज्यपाला पद अर भारतीय जनता पार्टी क सदस्यता से इस्तीफा दिंण क बाद मीडिया मा अपड़ि बात बोलि।
भगत सिंह कोश्यारी न बोलि कि मेरि इच्छा च कि उत्तराखण्ड हिमालय जन्नु साफ अर गंगा जन्नु पवित्र राज्य क दगड़ा-दगड़ि आत्मनिर्भर बि बण्यां। उन्न बोलि कि महाराष्ट्र क उद्योगपतियों क दगड़ मा उ उत्तराखण्ड मा निवेश करणा क बारा मा बात करळा। उन्न बोलि कि केन्द्र व राज्य क कै सरकरि योजनौं मा जु पैसा च, वै थैं खप्यौंणा खूंणि हमथैं नै मशीनरी डेवलप करणा क जरूर च जैसे उत्तराखण्ड क आर्थिकी मा नै क्रांन्ति आली।
‘प्रेस से मिलिए’ कार्यक्रमस मा भगत सिंह कोश्यारी न बोलि कि राजनीति बटि वु द्वी मैना पैळि ही दूर ह्वैग्यीं अर अब उथैं कैबि पदा क क्वीं लालसा नी च। उन्न बोलि कि भाजपा न वु थैं बौत सम्मान दे।
‘प्रेस से मिलिए’ कार्यक्रमा क अध्यक्षता प्रेस क्लबा अध्यक्ष अजय राणा अर संचालन महामंत्री विकास गुसैं न कायी।