यमुनोत्री रोप-वे प्रोजेक्ट खूंणि ह्वै अनुबंध

देरादूण। मुख्यमंत्री धामी अर प्रदेसा पर्यटन मंत्री सतपाल महराजन आज मुख्यमंत्री आवास मा यमुनोत्री रोप-वे प्रोजेक्ट खूंणि पर्यटन विभागा न निजी निर्माण कम्पनी एस.आर.एम. इंजीनियरिंग अर एफआईएल इंडस्ट्री प्रा. लि. के दगड़ मा अनुबंध कायी।

मुख्यमंत्री धामी न बोलि कि यु रोप-वे बणया क बाद यमुनोत्री धाम अपडु ह्यूंद मैनों क गद्दी स्थल खरसाल से जुड़ि जाळु। अर 15 -20 मिनट मा श्रद्धाळु खरसाली बटि यमुनोत्री मा पौंचि जाला अर रौंतेळु पाड तैं दयाख्ला।

पर्यटन मंत्री सतपाल महाराजन बोलि कि खरसालीमा यमुनोत्री धाम तक बणण वळु रोप वे मां यमुना क रूड़ि अर ह्यूंद क द्विया घामु तैं एक दगड़ मा जोड़ि देळु अर उत्तराखण्ड मा धार्मिक पर्यटन कु नै अध्याय सुरु करणा कु काम कराळु। उन्न बोलि कि ऐ काम तैं बगत मा पूरू करणा कु कोसिस कर्यें जाली।

यमुनोत्री धाम खूंणि बणण वळु 3.38 किलोमीटर लम्बु रोप-वे मोनोकेबल डिटैच्चेबल जन होळु। अर जै थैं फ्रांस अर स्विटजरलैण्ड क जनु बण्यें जाळु। ऐ रोपे क क्षमता एक घंटा मा 500 जातरियों तैं लिजाण की होळि अर रोप-वे मा एक बगत मा 8 जातरि जातरा कै सकदन।

यमुनोत्री तैं रोप-वे से ज्वणन क दगड़ा दगड़ि वख पार्किक आवासीय बन्दबस्त, होटळ बि बण्यें जाळु क त्यारि च।

166.82 करोड़ रुप्यौं सक बणण वळु रोप-वे कु लोअर टर्मिनल खरसाली मा 1.787 हेक्टेयर जमीन अर बण्यें जाळु अर अपर टर्मिनल 0.99 हेक्टेयर जमीन मा बण्यें जाळु।

ऐ मौका फर विधायक यमुनोत्री संजय डोभाल, अपर मुख्य सचिव श्रीमती राधा रतूड़ी, सचिव पर्यटन सचिन कुर्वे, ले. कमान्डर दीपक खण्डूरी (से.नि.) निदेशक अवस्थापना, अविरल जैन, अपर मुख्य कार्यकारी अधिकारी (साहसिक विंग) कर्नल अश्वनि पुण्डीर (से.नि.) वखम छायीं।