पुलिस तैं बतौंण चैंद कि आखिर कैकु ब्वन पर उन्न ज्वान नौन्याळु पर लांठु चलै: त्रिवेन्द्र सिंह रावत

बागेश्वर। पैल्यक मुख्यमंत्री त्रिवेन्द्र सिंह रावत बेरोजगारु पर देरादूण मा हूंया लाठीचार्ज तैं लेकैकि लगातार छुंयीं मा छन अर अपड़ि नराजगी जतौंणा क दगड़ सवाल बि खड़ा करणा छन। त्रिवेन्द्र सिंह रावतन न पैळि बेरोजगारू से माफि मांगि अर बेराजगारू पर लांठु चलौंणा क घटना तैं दुर्भाग्यपूर्ण बतै अर बोलि छायीं कि मि पैल्यक मुख्यमंत्री अर एक जिम्मेबार नागरिक हूंणा क नाता ज्वान नौन्याळु अर उंका ब्वे-बुबौं से माफी मंगदु।

जैका बाद त्रिवेन्द्र आज बागेश्वर मा दुबरा बेरोजगारु पर हूंया लाठीचार्ज पर अपड़ि नराजगी जतै अर बोलि पुलिस तैं बतौंण चैंद कि उन्न कैक ब्वल्याँ पर उन्न ज्वानु पर लांठु चलै।

पैल्यक मुख्यमंत्री त्रिवेन्द्र सिंह रावतन आज बागेश्वर पौंचि। जख उन्न बागनाथ मंदिर मा पूजा कायी। जैका बाद उन्न पार्टी कार्यालय मा कार्यकतौं क दगड़ मा बैठक कायी अर चुनौं का बारा बात कायी। ऐ मौका पर उन्न देरादूण मा बेराजगारु नौनो पर पुलिस क लांठु चलौंणा तैं गलत बतै अर बोलि नौन्याळु क दगड़ मा जु ह्वै उ गलत ह्वै अर यु वा खूंणि माफि मंगणा छन। त्रिवेन्द्र सिंह रावतन सवाल बि कायी कि पुलिस तैं बतौंण चैंद कि आखिर कैकु ब्वन पर उन्न आन्दोलनकरणा ज्वान नौन्याळु पर लांठु चलै।

वखि पेपर लीक मामळा मा उन्न बोलि कि कुछ ळोग सीबाआई जांच क मांग तैं लेकैकि हाईकोर्ट मा बि गैन। हाईकोर्ट न बोल कि जांच सै दिसा मा हूंणि च इल्लै सीबीआई जांच क्वीं दरकार नीं च।