देरादूण मा बणळि प्रदेसा पैळि साइंस सिटी

देरादूण। झाझरा देरादूण मा बणळि साइंस सिटी। उत्तराखंड विज्ञान अर प्रौद्योगिकी परिषद यूकॉस्ट अर राष्ट्रीय विज्ञान संग्रहालय परिषद एनसीएसएम क बीच कोलकाता मा ह्वै समझौता।

यूकॉस्टा महानिदेशक प्रो दुर्गेश पंत न साइंस सिटी बणण पर धामी सरकार के आभार बोलि।
प्रदेसा पैळि साइंस सिटी 25 एकड़ मा 173करोड़ रुप्या खरच कैकि बण्यें जाळी। साइंस सिटी झाझरा देरादूण मा बण्यें जाळी, अबि यख विज्ञान धाम रीजनल साइंस सेंटर चलणु च।

प्रदेसा पैळु साइंस सिटी अर देस कु पांचौ साइंस सिटी होळि या से पैळि देसा मा कोलकाता, गुवाहटी, अहमदाबाद कपूरथला मा साइंस सिटी छन।

साइंस सिटी मा विज्ञाना मॉडल कु जरिया पर्यावरणयी अर भौगोलिक घटनौं तैं बत्यें जाळु। जै से स्कुळयां नौन्याळ क दगड़ मा सब्यौं तैं विज्ञाना छ्वटि-छ्वटि चीज समझण मा मदत मिळळि।

बतै दियां कि केन्द्र सरकारन चार साळ पैळि साइंस सिटी खूंणि मंजूरि दे छायीं, अर अब धामी सकरार क कोसिसन यु भ्वा मा दिख्येणु च।