ऐसु क साल नि होलि औली मा नेशनल स्कीइंग चैंपियनशपि

देरादूण। ऐसु क साळ औळी मा 23 फरवरी बटि 26 फरवरी तक हूंण वळि नेशनल स्कीइंग चैंप्यिनशपि अब नी होलि।

स्की एंड स्नो बोर्ड एसोसिएशन ऑफ उत्तराखंड देरादूण क सचिव प्रवीण शर्मा न बतै कि ह्यूं (बर्फ) नीं प्वड़णा क कारण चैंपियनशिप तैं रद्द कर्यें ग्यें।

औली मा ऐसु क साळ नैशनल स्कीइंग चैंम्पियनशिप 23 फरवरी बटि 26 फरवरी तक उर्येंणि हूंणि छायीं।

जनवरी मा औळी मा खुब ह्यूं पोड़िग्यें छायीं। जै थैं देखि या उमेद ह्वैग्यें छायीं कि चैम्पयनशिप ह्वैळी पर फरवरी मा औळी मा ह्यूं नीं पोड़ि अर घाम इतगा तड़तड़ु (तेज) ह्वै कि जु ह्यूं जमयूं छायीं वु भि गळण बैठिग्यें। जै से स्कीइंग स्लोप मा ह्यूं हि नी रैग्यें। या थैं देखिक की एंड स्नो बोर्ड एसोसिएशन प्रतियोगिता थैं नी करौंणा कु फैसळा ल्यें।