मुख्यमंत्री धामी न गुरु शंकराचार्य राजराजेश्वराश्रम क दगड़ मा भेंट कायी अर आशीर्वाद ल्यायी

हरद्वार। मुख्यमंत्री पुष्कर सिंह धामी न कनखल मा शंकराचार्य आश्रम मा जगतगुरू शंकराचार्य राजराजेश्वराश्रम क दगड़ मा भेंट कायी अर उंकु आशीर्वाद ल्यायी।
एक मौका फर धामीन हरद्वारा मा अधिकारियों क दगड़ मा कांवड म्याळा अर विकासा योजनौं क बारा मा छ्वीं कायी। यांका दगड़ मुख्यमंत्री न बेरोजगारु क आन्दोलन का बारा मा बोलि कि बेरोजगारु क सबि बात हमन मानि याली। प्रदेस मा नकल विरोधी कानून लागू ह्वैग्यें।

मुख्यमंत्री न बोलि कि कुछ ळोग इन्नु चांदन कि आण वळा 5 साळु मा प्रदेस मा क्वीं भि भर्ति इमत्यान नी हूंया। उन्न बोलि कि इन्न स्वचण वळों कु सुपिनौं कबि पूरु नीं ह्वै सकदु। उन्न भर्ति इमत्यानु क त्यारि करण वळा नौन्याळु से विनति कायी कि कैका भि बखयां मा नी अयां अर अपड़ा भर्ति इमत्यानु कु त्यारि करणा रैयां।