बेरोजगार संघा क 6 ळोगु तैं मिलि जमानत
देरादूण। बेरोजगार संघ क 13 ळोगु तैं पुलिस पर ढुंगा चलौंणा क आरोप मा पुलिसन पकड़िक जेल मा भेजि दे छायीं।
जैमा बटि आज 6 आन्दोलनकारियों तै आज जमानत दियें ग्यें। अब वु सबि 7 बेरोजगार भोळ 12 फरवरी खूंणि हूंण वळि पटवारी भर्ति इमत्यान द्याळा।
बेरोजगार संघा क अध्यक्ष बाॅबी पंवार क दगड़ पकड़ियां औरि ळोगुक जमानत सोमवार खूंणि ह्वैळी।
बतै दियां कि भर्ति इमत्यानु क सीबीआई जांच करणा क मांग अर 12 फरवरी खूंणि हूंणि वळि भर्ति इमत्यान तैं रवक्णा क मांग तैं लेकैकि प्रदेसा ज्वान नौन्याळ बेरोजगार संघा झण्डा क निस सड़क्यौं मा छायीं अर विरोध प्रदर्शन करणा छायीं।
पुलिस कु आरोप च कि प्रदर्शन मा बेरोजगार संघा न पुलिस पर ढुंगा चुलौंणा कु काम कायी, जैमा पुलिसा कै ज्वान घैल ह्वैग्यीं अर कानून बन्दबस्त खराब नी हूंया या खंूणि पुलिस तैं डण्डा चलौंण प्वोड़ि।
ऐ क बाद पुलिसन उत्तराखण्ड बेरोजगार संघा क अध्यक्ष बाॅबी पंवार क दगड़ 13 ळोगु तैं पकड़कि जेळ भेजि दे। जौ तैं छ्वड़न खूंणि बेरोजगार संघ शहीद स्मारक मा आंदोलन करणु छायीं।
कोर्ट बटि आज वु सबि आन्दोलनकारियों तैं जमानत दियेंग्ये जौ का भोळ भर्ति इमत्यान छन अर बाकि ळोगुक जमानत सोमवार खूंणि ह्वैळी।