जै राजनीतिक दळा कि प्रदेस मा जमीन हर्चीं ग्यें, वे दळन बेरोजगारु तैं भटकौंणा कु काम कायी: मुख्यमंत्री धामी
देरादूण। देरादूण मा बेरोजगारु क दगड़ मा ब्याली जु ह्वै, वान सर्या प्रदेस भिरभिरु (आक्रोशित) हुयंू च। राजनैतिक पार्टी यौंन प्रदेस मा धमाचूर मच्यूं च अर सरकार पर हमलावार हूयीं च।
त दुसर तरफ प्रदेसा मुख्यमंत्री न बोलि कि बेरोजगारु क दगड़ ब्याली जु ह्वै वांकी हमन मजिस्टेªट जांच करणा क आदेश दे दीं।
मुख्यमंत्री न बोलि कि कुछ राजनीति दळ छन, जौ कि उत्तराखण्ड हि ना सर्या देस मा जमीन हर्चीं ग्ये। उन्न बेरोजगारु तैं भटकौंणा कु काम कायी।
धामी न बोल कि सबि राजनीतिक पार्टी बेरोजगारु कु कांधु मा बंदूक धैरिक चलौंणि छन। उन्न बोलि कि कुछ ळोग बेरोजगारु क बीच ऐग्यीं अर उन्न पुलिस पर ढुंगा चुलौंणा कु काम कायी। जैका बाद पुलिस तैं लाठु चलौंण प्वौड़ि।
मुख्यमंत्री न बेरोजगार संघ से विनती कायी कि कैकु भि भवैष्य खराब नीं हूंया या खूंणि सरकार कटकुटा फैसळा लिंणी च।
मुख्यमंत्री धामी न बोलि कि कैबिनेट क मंजूरी क बाद नकल विरोध कानून कु अध्यादेश राज्यपाल तैं भेजि याली।
सरकारन यु फैसळा कै कि अब जु भि भर्ति इमत्यान ह्वाळु वैमा एंटी-चीटिंग अध्यादेश क अनुसार हि ह्वैळी।
उन्न बोलि कि सरकार ज्वानु क भलै चान्द, इल्लै हि सरकार तैं जनि शिकैत मिलि उन्न इमत्यान तैं रद्द कर्यें ग्यें अर इमम्यान खूंणि नै तारिख तय कर्यें ग्यें।