जिमदारु (किसान) तैं बगत मा मुआवजा दियें ज्यां : सतपाल महाराज

देरादूण। लोक निर्माण मंत्री सतपाल महाराजन विधान सभावार दुसर चरण मा साल 2022 क कर्यें ग्यें सड़क्यौं के कामु क समीक्षा बैठक कायी।

महाराजन सबि तोकु मा राष्ट्रीय राजमर्ग अर वन विभाग क जमीन तैं स्थानांतरण करणा कु कतगा काम ह्वै यांक बारा मा बि समीक्षा कायी अर अधिकारियों तैं निर्देश दी कि जिमदारु (किसान) तैं बगत मा मुआवजा कर्यें ज्यां अर विभाग जतगा देनदारि छन उंकु भुगतान झटाझट कर्यें ज्यां।

महाराजन लोनिवि क अधिकारियों तैं चैबट्टाखाल मा एसडीआरएफ क जरिया सड़क्यौं तैं टामण (मरम्मत) कु अर दुबरा बण्यें जाणा मा कतगा रुप्यौं कु खर्चा ह्वै यांका बारा मा जाणकारि ल्यें अर बतै कि लैंसडाउन निर्माण खण्ड मा बैंजरो अर पाबौ मा 2 करोड़ 55 लाख 47 हजार रूप्यौं कर्यें ग्यें अर कै जगो मा अबि काम चलणा छन। अधिकारियों बतै कि पीएमजीएसवाई बटि लोक निर्माण विभाग तैं दियें ग्यंे सड़क्यौं कु देखभाळ खूंणि पौड़ी, लैंसडौन, बैजरो अर पाबौ खूंणि 31 करोड़, 1 लाख 63 रुप्यौं क प्रस्ताव शासन खूंणि दियें ग्यें। महाराजन अधिकारियों तैं निर्देश दी कि कामु तैं झटाझट कर्यें ज्यां।

समीक्षा बैठक में प्रमुख अभियंता अयाज अहमद वन विभाग क सीसीएफ सुशांत पटनाय, पौड़ी लोनिवि चीफ इंजीनियर दयानंद छायीं।