ऐसु कु बजट अबि तककु बजटौं मा सबसे अच्छु बजट च, बजट मा उत्तराखण्ड कु खास ध्यान दियेंग्ये : रविशंकर प्रसाद

देरादूण। देरादूण मा पौंच्या रविशंकर प्रसाद न केन्द्र सरकारक बजट मा उत्तराखण्ड खूंणि क्या अर क्या भळु च ऐ बारा मा भाजपा दप्तर मा बतैं। रविशंकर न बोलि कि ऐसु कु बजट अबि तकाकु बजटौं मा सबसे अच्छु बजट च। उन्न बोलि कि केन्द्र सकारकु लक्ष्य बजट तैं देसा सबि मनखियों तक पौंचण कु च।

रविशंकर न बोलि कि कोविड क बगत मा सर्या दुन्या दिककत मा छायीं त वै बगत मोदी सरकार तंगैस (गरीबी) अर देस क जनतै दगड़ मा खड़ी छायीं। केन्द्र सरकारन फ्री मा नाज बटणि छायीं। उन्न बोलि कि आज म्वाटु नाज क पछ्याण सर्या दुन्या मा कर्यें जाणि च।

रविशंकर न बोलि कि ऐसु क बजट मा ब्यटुळों हि ना उत्तराखण्डा कु बि खास ध्यान दियेंग्ये। जैमा हरद्वार-ऋषिकेश अर देरादूण मा रेळ स्टेशनु तैं मॉडळ स्टेशन बणौंण कु बजट रखेग्यें। उन्न बोलि कि हरद्वार अर देरादूण रेळ स्टेशनु तैं इन्नु बण्यें जाळु कि उंकी पछ्याण सर्या दुन्या मा ह्वैळी। जैमा अराम अर खाण-पीणा सुविधा बि ह्वैळी अर क्वीं बि यख अराम कै सकदु। यांक दगड़ उन्न बोलि कि रेळ स्टेशनौं मा उत्तराखण्डा संस्कृति क छलक दिख्येंळी।