बढ़ि सकदन घौर-घौर बटि कूड़ा उठौंणा कु मोळ

घौर-घौर बटि कूड़ा उठौंणा कु मोळ मा 20 रुप्या बढ़ि सकदन। सफै कु ब्यौवार तय करणि वळि समिति न सफै कु मोळ बढ़ौंणा कु प्रस्ताव देयाळी। 2 फरवरी खूंणि बोर्ड के बैठक मा यु प्रस्ताव ऐजाळु। अगर प्रस्ताव तैं मंजूरी मिळिग्यें त नगर निगम तोक मा रैंण वळों तैं घौर-घौर बटि कूड़ा उठौंणाक 50 रुप्यौं क जगा मा अब 70 रुप्या देंण प्वाणळु।

बतै दियां कि पिछळ बैठक मा सैफ कु मोळ 50 रुप्या बटि 100 रुप्या करणा कु प्रस्ताव दियेग्यें छायीं। पार्षदु कु विरोध क बाद ऐ मामळा मा दुबरा विचार करणा खूंणि समिति बण्यें ग्यें छायीं अर होटळु, सोसाइटी स्कुळु, अस्पताल, दुकनि खूंणि अलग-अलग दर्जा क हिसाब से अलग-अलग सफै कु मोळ तय कर्यें ग्यें।

व वखि ऐ बारा मा मेयर सुनील उनियाल गामा न बोलि कि 2 फरवरी खूंणि यु प्रस्ताव बैठक मा धर्यें जाळु। उन्न बोलि बैठक मा स्वच्छता सर्वेक्षण पर खास ध्यान धर्यें जाळु। देरादूण तैं देस मा स्वच्छता क मामळा मा पैळि 50 सहरु मा शामिल करणा क बारा मा बि छ्वीं ह्वैळी। उन्न बोलि बैठक मा 16 प्रस्ताव छन जौ फर चर्चा ह्वैळी।