मां धारीदेवी अपड़ा नै तान मा स्थापित ह्वैग्यें

श्रीनगर। पौराणिक धारीदेवी क मूर्ति थैं आज 9 साळ बाद विधि विधाना क दगड़ अपड़ा नै ताण मा स्थापित कर्यें ग्यें। मंदिर ट्रस्टा पुजारि सुबेर 7 बजिक 15 मिनट पर चर लग्न मा मूर्ति थैं अस्थायी मंदिर बटि उठें कि 8 बजिकि 10 मिनट फर स्थिर लग्न मा अपड़ा नै थान मा स्थापित कै दे। वखि 10 बजि मंदिर क पाट भक्तु खूंणि खोळि दीं।

ऐ मौका फर श्रीनगर क विधायक अर उच्च शिक्षा मंत्री धनसिंह रावत भि मां क द्वार मा पौंच्यां छायीं।
उच्च शिक्षा मंत्री धन सिंह रावतन बोलि कि जल्दी हि मंदिर मा पास सुविधौं तैं बढ़यें जाळु। उन्न बोलि कि मंदिर क नजीक एक बड़़ु घाट बण्यें जाळु अर मंदिर तक जाण वळि सड़क तैं बि पक्कु करणा कु काम कर्यें जाळु।

आचार्य आनंद प्रकाश न बोलि कि मां क मूर्ति तैं चर लग्न मा अस्थायी मंदिर बटि स्थिर लग्न मा नै तान मा स्थापित कर्यें ग्यें।

ऐ मौका फर मंदिर तैं 25 कुंतळ फुळु न सज्यूं छायीं। अर मंदिर कु पाट थैं 10 बजि भक्तु खूंणि खोळि दें।