जोशीमठ बचाओ संघर्ष समिति न निकाळि तिरंगा जातरा

चमोली। जोशीमठ बचाओ संघर्ष समिति क ब्वल्यां फर जोशीमठ नगर तोक मा गणतंत्र दिवसा मौका फर तिरंगा जातरा निकलें ग्यें। जातरा मा बौत जादा संख्या मा आपदा प्रभावित ब्यटुळा, छ्वटा-छ्वटा नौन्याळ अर जोशीमठ के रैवासी छायीं। रैळी मा एटटीपीसी क खिलाफ जोशीमठ क रैवासियों न नारा बाजी कायी।

जोशीमठ बचाओ संघर्ष समिति क ब्वन फर जोशीमठ मा तपोवन तिराहा बटि मारवाडी तिराह तक आपदा प्रभावितु अर जोशीमठ क रैवासियों न तिरंगा जातरा निकाळि। रैळी मा ऐयां ळोगुन सरकार से दुबरा बस्यें जाणा क मांग अर एनटीपीसी क खिलाफ नारा बाजी कायी।

जोशीमठ बचाओ संघर्ष समिति क अध्यक्ष अतुल सती न बतै कि उन्न लोकतांत्रिक तरीकन छावनी बजार बटि तहसील तक तिरंगा जातरा निकाळि अर भोळ एनटीपीसी क खिलाफ बडु़ दिखौंणु (प्रदर्शन) कर्यें जाळु। जैमा जोशीमठा क बौत सर्यां ळोग जुड़ळा। आन्दोळन से जुड़यां इन्द्रेश मैखुरी न बोळि कि आंदोलन मा गौ-गौ बटि मनखि आणा छन।