हरक सिंह रावता कु भाजपा पर हमला बोलि सरकार सबि तोकु मा फेळ

देरादूण/मसूरी। कांग्रेसा नेता अर पैल्यका कैबिनेट मंत्री हरक सिंह रावतन आज मसूरी पौंचि। मसूरी मा हरक सिंह रावतन बोलि कि भाजपा सरकार सबि तौकु मा पूरी तरौं फेळ च। जोशीमठ आपदा या सरकारि नौकरियुं मा भर्ति सबि मा सरकार फेळ ह्वैग्यें।

वखि हरक सिंह रावतन बोलि कि 2024 मा लोकसभा चुनौ मा भाजपा की 100 से जादा सीट कम हूंणि छन, जैकु फैदा कांगे्रस तैं मिलळु। उन्न बोलि कि 2024 मा कांगे्रस क 150 से 250 सीट आणि छन। हरक सिंह रावतन बोलि कि 2019 मा पुलवामा हमला नीं हूंदू तु भाजपा तैं 100 सीटु कु टव्टा हूंदू। उन्न बोलि पुलवामा कु फैदा भाजपा तै मिळि। उन्न बोलि कि इन्नु टव्टकु सदनि काम नीं करदु। 2014 मा कांग्रेस थैं फैदा हूंणु च।

हरक सिंह रावतन बोलि कि भर्ति घपरोळ न सरकारक जीरो टाॅलरेंस क पोळ खोळि दे। उन्न बोलि सरकारि नौकरियु मा भर्ति मा गड़बड़ि बिना अधिकारियों क मिल्यां नीं ह्वै सकदि। इन्न मा उत्तराखण्ड के सरकार पूरी तरौं फेळ ह्वैग्यंे।

हरक सिंह रावतन बोलि कि जोशीमठ मा ळोगु तैं पूरू मुआवजा नीं मिळि अर ना हि ऊथैं सै जगा मा बस्यें ग्यें। उन्न बोलि आपदा प्रबंधन क जु नियम छन वै नियम से ळोगु तैं पूरु मुआवजा नीं मिलदु। जैकु मकान टूटिग्यें, वैं तैं 4 लाख रुप्या अर नथर 50 हजार अर एक लाख रुप्या देकैकि काम पूरू समझें जान्द।

पैल्यक मंत्री हरक सिंह रावतन बोलि कि पार्टी ऊथैं लोकसभा चुनौं मा टिकट देळि त वु 2024 मा लोकसभा चुनौं लड़णा खूंणि त्यार छन।