पैल्यक विधायकौं कु सम्मेलन मा ह्वै खुब चचराट (बहस)
देरादूण । विधानसभा मा उत्तराखण्डा क पैल्यक विधायकु बण्यूं संगठन न सम्मेलन कायी। पैल्यक विधायकु क ऐ सम्मेलन मा 25 विधायक छायीं। अबि उत्तराखण्ड मा 113 पैल्यक विधायक छन अर सब्यां विधायकु थैं ऐ सम्मेलन मा बुलयूं छायीं।
पैल्यक विधायकौं कु एजेन्डा मा भर्ति मा गड़बड़ि क सीबीआई जांच, कर्मचारियों पुरणि पेंशन थैं दुबरा सुरु करणा , रोजगार अर ज्वानु तैं 70 प्रतिशत मौका देंणा जन्नि छायीं।
विधायकु न संगठन कु अध्यक्ष लाखी राम जोशी तैं बण्यें। पैल्यक विधायकु न ऐ सम्मेलन मा हरक सिंह रावत, शूरवीर सिंह सजवाण, हीरा सिंह बिष्ट अर अर पैल्यक मुख्यमंत्री हरीश रावत छायीं।
पैल्यक विधायकौं क संगठना क सम्मेलन मा विधायकु क बीच खुद चचराट ह्वैग्यें। सम्मेलन मा सरकारक आलोचना करण फर किच्छा विधानसभा बटि विधायक रैंया राजेश शुक्ला न नराजगी जतै अर बोलि कि सम्मेलन कु जु मकसद च वै फर छ्वीं हूंण चैंदन। उन्न बोलि यख सरकार क आलोचना हूंणि च, जैका बाद राजेश शुक्ला सम्मेलन छोड़िक चिळग्यीं।
पैल्यक मुख्यमंत्री हरीश रावतन बोलि कि या कोसिस बौत अच्छी च। उन्न बोलि कि ई कोसिसन विधायक प्रदेस क विकास मा अपड़ि जिमेबरि अर अपड़ि मांग तैं धैरि सकळा।
सम्मेलन मा छ्वियों क दगड़ मा सलाह बि दियें ग्यें पर जन्नि सरकार क अलोचना ह्वै उन्नि भाजपा क पैल्यक विधायक राजेश शुक्ला सम्मेलन छोड़िक चिळग्यीं।