परेड ग्राउण्ड मा 10 लाख रुप्यौं क लग्यीं घास हूंणि च खराब, जै फर प्रेमचंद अग्रवालन जतै नराजगी

देरादूण। शहरी विकास मंत्री प्रेमचंद अग्रवालन स्मार्ट सिटी मा हूंण वळा कामु तैं परेड ग्राउंड जैकि देखि।

ऐ मौका फर अग्रवालन ग्राउण्ड मा लगि घास पर सवाळ बि उठ्यें। अग्रवालन घास लग्यें जाण थैं रुप्यां क बदबादी बतै अर जाचं क आदेश दीं।

विभागीय मंत्री प्रेमचन्द्र अग्रवालन अचाणचक परेड ग्राउण्ड मा जैकि स्मार्ट सिटी के कामु तैं देखि। अग्रवालन वीआईपी स्टेज कु बि निरीक्षण कायी। स्टेज क गुणवत्ता फर उन्न तसल्ली जतै अर बोलि कि तिन दिन मा यु काम पुरु ह्वै जाण चैंद। उन्न बतै कि गणतंत्र दिवसा कार्यक्रम यखमा हि हूंणि।

जैका बाद अग्रवालन परेड गांउण्ड मा लगि घास तैं देखि। द्वी साळ पैळ लग्यीं 10 लाख रुप्यौं क घास खराब हूंणि च जै फर प्रेम चन्द्र अग्रवालन अपड़ि नराजगी जतै। उन्न झट ऐ बारा मा जिलाधिकारी तैं बोलि यां कि यांकी जांच कर्यें ज्यां।

प्रेमचन्द्र अग्रवालन बोलि कि स्मार्ट सिटी क 10 प्रोजेक्ट पूरा ह्वैग्यीन अर औरि फर हूंण वळु काम अब भ्वां मा दिख्येंणु च।