प्रधानमंत्री मत्स्य सम्पदा योजना कु फैदा माछा पळण वळों थैं जादा से जादा मिळण चैंद: मुख्यमंत्री धामी

देरादूण। मुख्यमंत्री मुख्यमंत्री धामीन न आज सचिवालय मा मत्स्य विभागा क समीक्षा बैठक कायी अर अधिकारियों तैं माछा पळण वळौं थैं बढ़ौंवा देंणा कु अर उ खूंणि बजार कु बदबस्त करणा क निर्देश दीं। मुख्यमंत्री न बोलि कि माछा पाळिकि ळोगुक आजीविका थैं बढ़यें जै सकदु।

मुख्यमंत्री न बोलि कि यु तय कर्यें ज्यां कि प्रधानमंत्री मत्स्य सम्पदा योजना कु फैदा माछा पळण वळों थैं जादा से जादा मिल्यां।
मुख्यमंत्री न बोलि विभाग 5 लक्ष्य तय कर्यां अर वै फर बगत मा अर टक लग्यें कि काम कर्या।

मुख्यमंत्री न बोलि कि जै योजना मा केन्द्र अर राज्य कु 90: 10 कु अनुपात हूयां वैथैं पैळि कर्यें ज्यां। कलस्टर बण्यें कि तळौं बण्यें ज्यां अर मत्स्य पालन थैं बढ़ाैंणा खूंणि काम कर्यें ज्यां।

ऐ मौका फर मत्स्य पालन मंत्री सौरभ बहुगुणा, सचिव मत्स्य बी.वी.आर.सी पुरूषोत्तम, अपर मुख्य सचिव श्रीमती राधा रतूड़ी, आनन्द बर्द्धन, सचिव शैलेश बगोली, अपर सचिव अरूणेन्द्र चौहान, योगेन्द्र यादव छायी।