मनखियों क सुरक्षा पैळि दरकार च : मुख्य सचिव
चमोली। उत्तराखण्ड क मुख्य सचिव डॉ सुखवीर सिंह संधु न आज जोशीमठ पाैंचिक भ्वां धसणि जमीन कु निरीक्षण कायी। ऐ मौका फर सचिव क दगड़ मा डीजीपी पुलिस अशोक कुमार अर सचिव मुख्यमंत्री आर मीनाक्षी सुंदरम भी छायीं।
मुख्य सचिव न बतै कि देस क विशेषज्ञ वैज्ञानिकों कु टोळा जोशीमठ मा जमीन किलै खळाखळ भ्वां धसणि च यांका बारा मा पता लगाळु अर भ्वां धसड़ि जमीन तैं बचौंणा खूंणि जु भि दरकार ह्वैळी वु कर्यें जाळु।
मुख्य सचिव न बोलि कि मनखियों क सुरक्षा जरूरी च अर या खूंणि प्रशासन काम करणु च। उन्न जोशीमठ क रैवासियों से विनती कायी कि क्वीं इन्न काम न कर्यां जै से नुकसान हूयां।
ऐ मौका फर डीजीपी पुलिस अशोक कुमार, सचिव मुख्यमंत्री आर.मीनाक्षी सुंदरम, जिलाधिकारी हिमांशु खुराना अर औरि अधिकारी भि छायीं।