खेति-पाति अर बग्वान क बाड़ खूंणि 130 करोड रुप्यौं कु ह्वाळु बन्दबस्त: मुख्यमंत्री धामी

देरादूण। मुख्यमंत्री धामीन आज सचिवाळय मा ग्राम्य विकास विभागा क बैठक कायी अर बोलि कि पाड़ि जनपदु मा खेती अर बग्वान क बाड़ खूंणि 130 करोड रुप्यौं कु बन्दबस्त कर्यें जालु।

ऐ मौका फर मुख्यमंत्री न आजीविका दर्पण त्रैमासिक पत्रिका कु बि विमोचन कायी।

मुख्यमंत्री धामी न बोलि कि प्रदेस मा गौ मा सड़िक्यों तैं बणौंणा खूंणि मुख्यमंत्री सड़क ग्राम सड़क योजना सुरु कर्यें जाळी अर मुख्यमंत्री बोर्डर तोक मा विकास योजना खंूणि नेपाळ बॉर्डर मा गौ कु विकास कर्यें जाळु। मुख्यमंत्री न बोलि कि खेति-पाति, बग्वान अर गौर-भैंसौं अर माछा पाळन तैं प्रदेस मा बढ़यें जाळु। उन्न बोलि कि सेब अर कीवी पर खळाखळ काम हंूणू च।

बैठक मा वु बत्यें ग्यंे कि पिछळ पांच साळु मा प्रधानमंत्री ग्राम सड़क योजना मा प्रदेस मा 5838 करोड़ रुप्यौं क 11621 किमी. सड़क बण्यें ग्यें ।
उत्तराखण्ड राज्य स्थापना बटि 2017 तक प्रदेस मा प्रधानमंत्री ग्राम सड़क योजना मा 3994 करोड़ रूप्यौंन 10243 किमी कुल 1310 काम करणा क मंजूरी ह्वै। साळ 2017 बट अबि तक प्रदेस मा 6375 करोड़ रूप्यौं न 10034 किमी क कुल 1468 कामु तैं मंजूरि मिळि। पिछळ पांच साळु बटि प्रदेस मा मनरेगा मा हर साळ 5.5 लाख कुटुम्दरि तैं रोजगार मिळणु च। दीनदयाल अन्त्योदय योजना-राष्ट्रीय ग्रामीण आजीविका मिशन मा पिछळ 05 साळु मा 3.49 लाख कुटुम्दरि क 52613 टोळा तैं में एक कर्यें ग्यें। 38882 टोळों तैं रिवाल्विंग फण्ड अर 23952 टोळों तैं सी.आई.एफ बटि रुप्यां दियें ग्यें। 29289 टोळों तैं लखपति दीदी क रुप मा त्यार कर्यें जाणु च।

बैठक मा ग्राम्य विकास मंत्री गणेश जोशी, अपर मुख्य सचिव श्रीमती राधा रतूड़ी, सचिव बी.वी.आर.सी. पुरूषोत्तम, आयुक्त ग्राम्य विकास आनन्द स्वरूप, अपर सचिव श्रीमती नितिका खण्डेलवाल अर ग्राम्य विकास विभागा अधिकारी छायीं।