जोशीमठ आपदा : ळोगु तैं दुसर जगा मा बस्यें जाळु : सतपाल महाराज
देरादूण। पर्यटन मंत्री सतपाल महाराजन बोलि जोशीमठ आपदा मा जतगा ळोग दिकदरि मा छन उथैं कखि औरि बसौंणा फर जोर दियें जालु।
जोशीमठ मा घौर, होटळु मा जमीन धंसणा क कारण ळोगु क घौर होटळु मा तिड्कवाळ आणि च जै फर महाराजन चिंता जतै अर बोलि कि जोशीमठ कु ट्रीटमेंट थैं लेकैकि शासन स्तर पर कोसिस हूंणू च।
उन्न बोलि बल मामळु मा मुख्यमंत्री धामी क दगड़ मा बात ह्वै अर उन एसडीएम अर जिलाधिकरी थैं जरुरी निर्देश दे दीं। अर जल्दी हि पूरु त्यारि कैकि अगनै क कारवै कर्यें जाळी।
महाराजन बोलि कि पैळि ऊंथैं दुसर जगा मा बस्यें ज्यां जौक घौर मा जादा तिड्कवाळ छन। महाराजन बोलि सरकार जोशीमठ मा जमीन धंसणा क मामळा मा बौत गंभीर च अर यांकु हळ गडणा (निकालना) कु लगातार कोसिस करणि च।
महाराजन बोलि कि मुख्यमंत्री क दगड़ मा बात कैकि एसडीएम अर जिलाधिकारी थैं सबि जरुरी निर्देश दियें ग्यीं।