सीबीआई जांच कु मामळु मा त्रिवेन्द्र सिंह रावत थैं सुप्रीम कोर्ट बटि मिळिग्यें तसल्लि

देरादूण। पैल्यक मुख्यमंत्री त्रिवेन्द्र सिंह रावत थैं सुप्रीम कोर्ट बटि तसल्लि मिळिग्यें। सुप्रीम कोर्टन हाईकोर्ट के फैसळा फर रोक लग्यें दे। हाईकोर्टन त्रिवेन्द्र सिंह रावत क खिलाफ सीबीआई जांच क आदेश दे छायीं।

बतै दियां बल हरद्वार जिळा मा खानपुरा विधायक उमेश शर्मा न उत्तराखण्ड क पैल्यक मुख्यमंत्री त्रिवेन्द्र सिंह रावत फर आरोप लग्यें छायीं कि जब वु झारखण्ड मा भाजपाक प्रदेस प्रभारी छायीं तब उन्न झारखण्ड गौ सेवा आयोगा क पद मा भर्ति करणा खूंणि घूस ले छायीं। अर यु पैंसा त्रिवेन्द्र सिंह रावत क रिस्तादारु क खाता मा डाळें ग्यें। जैका बाद उबरि क मुख्यमंत्री त्रिवेन्द्र सिंह रावतन उमेश कुमार क फर राजद्रोह कु मुकदमा दर्ज कर्यु छायीं। जै थैं लेकैकि उमेश कुमार न उत्तराखण्ड हाईकोर्ट मा याचिका लग्यीं छायीं। त्रिवेन्द्र सिंह रावत फर लग्यां आरोप फर हाईकार्टन सीबीआई जांच क मांग कै छायीं। उमेश कुमार के यायिका फर हाईकोर्टन सीबीआई जांच के आदेश दे छायीं। उत्तराखण्ड हाईकोर्टन क आदेश थैं त्रिवेन्द्र सिंह रावतन सुप्रीमकोर्ट मा चुनौति दे अर सीबीआई जांच थैं रवक्णा क मांग कायी। सुप्रीम कोर्टन जै मा आज अपडु फैसळा सुण्यें अर हाईकोर्टक सीबीआई जांच क आदेश फर रोक लग्यें दे।