मुख्यमंत्री न मैक्स अस्पताळ मा जैकि ऋषभ पंत क तब्यत क बारा मा जाणकारि ल्यायी
देरादूण। मुख्यंमत्री धामीन आज ऋषभ पंत थैं दय्खणा खूंणि मैक्स अस्पताळ मा पौंच्छीं।
बतै दियां कि रुड़की मा सड़क हादसा मा घैळ हूयां ऋषभ पंता कु इळाज देरादूण कु मैक्स अस्पताळ मा चलणु च।
मुख्यंत्री धामीन न मैक्स अस्पताळ मा ऋषभ पंत अर वैकु इलाज करणा वळा डॉक्टरु क दगड़ मा बात कायी अर पंता क तब्यत क बारा मा जाणकारि ल्यायी।
ऋषभ पंत थैं मिलण क बाद मुख्यमंत्री न मीडिया थैं बतै कि सड़कि मा ख्वडळा छायीं जै कारण यु हादसा ह्वै। उन्न बतै अबि ऋषभ पंत ठीक छन अर उंकु इळाज बौत अच्छु तरौं हूंणि च। उन्न बोलि बल दरकार ह्वैळी तब हि ऋषभ थैं बड़ा अस्पताळ मा भेय्जें जाळु।
मुख्यमंत्री न उ कु अभार बोल जौन ऋषभ पंत थैं बच्यें।
मुख्यमंत्री न ऋषभ पंता क कुटुम्दरि क दगड़ बात कायी अर उथैं भरोसु दे कि प्रदेस सरकार उंकी पूरी मदत कराळी।